У Варшаве адбыўся сход па вылучэнню дэлегатаў на Форум

На мерапрыемстве прысутнічала дзевяць чалавек, у асноўным з ліку беларускіх студэнтаў варшаўскіх ВНУ, якія навучаюцца па праграме Кастуся Каліноўскага.

Перад прысутнымі выступілі студэнт-каліновец, сябра БХД Анатоль Міхнавец і  ўжо абраны дэлегатам на сходзе ў Гомельскім раёне Аляксандр Кулега.

Прамоўцы казалі пра сутнасць, а таксама мэты і задачы Беларускага Еўрапейскага Форуму, тлумачылі чаму яны асабіста хочуць у ім удзельнічаць.

Сярод прысутных распачалася дыскусія наконт таго, што на дадзены гістарычны момант важней для Беларусі: агульнаеўрапейскія каштоўнасці альбо нацыянальныя. Які павінен быць прыярытэт.

Удзельнікі сустрэчы задавалі Анатолю Міхнаўцу арганізацыйныя пытанні, датычныя Форуму. Дакатарант паліталогіі Павал Вусаў цікавіўся, як звязаны Чэскі Форум, прысвечаны рэалізацыі праграмы Усходняга партнёрства, з Беларускім Еўрапейскім Форумам. Ці будуць на БЕФ вылучацца дэлегаты ў Прагу.

Жадаючых удзельнічаць у Форуме было амаль удвая больш, чым існуючая квота. Давялося вырашаць пытанне, хто будзе дэлегаваны.

Сход шляхам рэйтынгавага галасавання вылучыў на Беларускі Еўрапейскі Форум трох дэлегатаў. Сярод іх сябра БНФ, актывіст БХД і незалежны палітолаг.