На сходзе зладзілі канцэрт бардаўскай песні

У сядзібе Партыі БНФ сабраліся пераважна прыхільнікі Партыі БХД. Усяго 30 чалавек.

Перад прысутнымі выступілі актывісты БХД Валерыя Чарнаморцава і Наталля Васілевіч, якія распавялі пра каштоўнасці, якія спавядае БХД і пра тое, чаму іх партыя падтрымлівае ідэю еўрапейскай інтэграцыі і правядзенне Беларускага Еўрапейскага Форума.

На сходзе зладзілі невялічкі канцэрт бардаўскай песні. Перад прысутнымі свае песні выканалі ў прыватнасці Таццяна Беланогая і Алесь Камоцкі.

На сходзе абралі 15 дэлегатаў на Беларускі Еўрапейскі Форум. Былі абраны таксама дэлегаты на устаноўчы з'езд БХД.

Агульная інфармацыя пра
Беларускі Еўрапейскі Форум

Беларускі Еўрапейскі Форум, які меў на мэце мабілізацыю прыхільнікаў еўраінтэграцыі, адбыўся 14 лістапада ў палацы культуры МАЗ.

У мерапрыемсіве ўзялі ўдзел 1023 чалавекі, з іх – 827 дэлегатаў Беларускага Еўрапейскага Форуму, пераважная частка якіх была вылучана на 97 сходах, што праходзілі па ўсёй краіне.

Дэлегаты прынялі ўдзел у дыскусіях падчас працы секцый "Палітыка", "Грамадства" і "Эканоміка".

У межах Форуму былі праведзены фотаконкурс і віктарына, працавала фотазона, былі выраблены і буклеты з інфармацыяй пра перавагі еўраінтэграцыі для розных сацыяльных групаў насельніцтва.

Пасля абмеркаванняў Форум прыняў рэзалюцыю і стратэгічны план дзеянняў праеўрапейскіх сіл на бліжэйшы час, які накіраваны на збліжэнне Беларусі з Еўразвязам.

Шаноўныя дэлегаты!

Вы маеце магымасць атрымаць уласныя фотаздымкі, якія былі зроблены у фотазоне пад час форуму. Для гэтага дашліце на адрас info@milinkevich.org сваё імя, адрас і кантактны тэлефон. Абавязкова пазначце адрас старонкі, дзе размешчаны здымак. Цягам пяці працоўных дзён Вам адкажуць.