 |
|
||||||||||
|
|
|
|
||||||||||
|
|
Сходам зацікавілася сталічнае тэлебачанне (фота)На сходзе ў мікрараёне Паўднёвы Захад прысутнічала больш за 30 чалавек. Акрамя вылучэння дэлегатаў на Форум, людзі актыўна абмяркоўвалі мясцовую праблематыку. Арганізатарам сходу па фармальнай прычыне адмовілі ў памяшканні, таму сход адбываўся на вольным паветры, на пляцоўцы для масавых мерапрыемстваў у зялёнай зоне каля праспекта Любімава. Паводле аднаго з арганізатараў мерапрыемства Юрася Карэтнікава, на сход сабралася 35 чалавек. На Беларускі Еўрапейскі Форум вылучылі дзесяць дэлегатаў. У іх ліку вядомы пісьменнік Васіль Якавенка. Як паведамляе pzminsk.org, перад прысутнымі выступілі сябры аргкамітэту Беларускага Еўрапейскага Форуму, Юрась Карэтнікаў і Юрась Губарэвіч. Яны распавялі пра мэты і задачы яго правядзення, а таксама пра бягучую сітуацыю ў беларускай палітыцы і эканоміцы. Падчас сустрэчы мясцовыя жыхары таксама актыўна абмяркоўвалі лакальныя праблемы Паўднёвага Захаду. Пэўны інтарэс да мерапрыемства праявілі журналісты, у тым ліку дзяржаўных СМІ. Мерапрыемства асвятляла здымачная група сталічнага тэлебачання. Супрацоўнікі міліцыі правядзенню сходу не перашкаджалі.
|
Агульная інфармацыя пра
Беларускі Еўрапейскі Форум Беларускі Еўрапейскі Форум, які меў на мэце мабілізацыю прыхільнікаў еўраінтэграцыі, адбыўся 14 лістапада ў палацы культуры МАЗ. У мерапрыемсіве ўзялі ўдзел 1023 чалавекі, з іх – 827 дэлегатаў Беларускага Еўрапейскага Форуму, пераважная частка якіх была вылучана на 97 сходах, што праходзілі па ўсёй краіне. Дэлегаты прынялі ўдзел у дыскусіях падчас працы секцый "Палітыка", "Грамадства" і "Эканоміка". У межах Форуму былі праведзены фотаконкурс і віктарына, працавала фотазона, былі выраблены і буклеты з інфармацыяй пра перавагі еўраінтэграцыі для розных сацыяльных групаў насельніцтва. Пасля абмеркаванняў Форум прыняў рэзалюцыю і стратэгічны план дзеянняў праеўрапейскіх сіл на бліжэйшы час, які накіраваны на збліжэнне Беларусі з Еўразвязам. Шаноўныя дэлегаты!
Вы маеце магымасць атрымаць уласныя фотаздымкі, якія былі зроблены у фотазоне пад час форуму. Для гэтага дашліце на адрас info@milinkevich.org сваё імя, адрас і кантактны тэлефон. Абавязкова пазначце адрас старонкі, дзе размешчаны здымак. Цягам пяці працоўных дзён Вам адкажуць. |
