Мэта праграмы дзеянняў:

Спрыянне набліжэнню Беларусі да Еўрапейскага Саюзу.

Еўрапейская інтэграцыя адпавядае нацыянальным інтарэсам Беларусі. Яна дае шанец на росквіт краіны і рэалізацыю яе багатага чалавечага патэнцыялу, гарантуе незалежнасць Беларусі і захаванне яе нацыянальнай самабытнасці. Наша стратэгічная мэта – еўрапейская будучыня Беларусі. Нам кажуць, што Беларусь у Еўропе “ніхто не чакае”, але насамрэч чакаць не хочам мы. Мы гатовыя дзейнічаць ужо зараз, каб максімальна наблізіць Беларусь да ЕС.

Чаго мы хочам дамагчыся:

• Вырашыць найбольш вострыя эканамічныя праблемы беларусаў,
• Рэалізаваць чалавечы патэнцыял ў краіне, гарантаваць палітычныя і грамадзянскія свабоды кожнага беларуса,
• Усталяваць вяршынства закону і спыніць палітычныя рэпрэсіі,
• Наблізіць Беларусь да еўрапескіх стандартаў ва ўсіх сферах жыцця.

Наша задача – дамагчыся, каб інфармацыя пра перавагі еўрапейскай інтэграцыі стала даступнай для кожнага беларуса, каб максімальна большая колькасць нашых грамадзянаў ужо ў бліжэйшы час скарысталася з супрацоўніцтва з ЕС.
Нашы дзеянні будуць ажыццяўляцца ў двух кірунках: унутраным і знешнім.

Дзейнасць унутры Беларусі:

Дзеянні ўнутры Беларусі будуць скіраваныя на ўсе тры сектары грамадства : дзяржаўны, прыватны і грамадскі

• Дзяржаўны. Асноўныя кірункі дзейнасці будуць складацца з інфармавання пра перавагі еўраінтэграцыі, уцягвання ў дыялог з еўрапейскімі структурамі, прадстаўлення адукацыйных і кансультацыйных паслугаў.
 
• Прыватны.  Дзейнасць, скіраваная на прыватны сэктар, сканцэнтруецца на інфармаванні пра перавагі еўраінтэграцыі, арганізацыі навучальных паездак і іншых спосабах абмену досведам. Акрамя гэтага будзе праведзеная кампанія па зніжэнні коштаў і спрашчэнні працэдуры атрымання шэнгенскіх візаў.
 
• Грамадзкі. У грамадзкім сэктары дзейнасць будзе скіраваная на падтрымку мясцовага актывізму праз стварэнне адмысловых платформаў (еўрапейскія клубы), навучанне ўзаемадзеянню з уладай, праектнаму мэнэджмэнту, фінансавым дысцыплінам. Будзе праводзіцца інфармаванне насельніцтва аб еўрапескай інтэграцыі і еўрапейскіх інстытутах, арганізавана каардынацыя дзейнасці грамадскіх арганізацый у межах Форуму грамадзянскай супольнасці.
 

На 2010-2011 гг. прыярытэтнымі нам бачацца наступныя крокі.

1. Выкарыстанне дыялогу Беларусі з Еўрасаюзам для максімальнага пашырэння палітычных і грамадзянскіх свабод у краіне. Наша задача – гэта грамадскі кантроль за ходам дыялогу, а таксама прапанова сцэнароў, якія былі бы ўспрынятыя ўсімі бакамі дыялогу.
   
   • Правядзенне маніторынгу сітуацыі з правамі чалавека ў краіне,
   • Узняцце тэмаў, якія мусяць быць на парадку дня дыялогу,
   • Прапанова адпаведнага парадку дня і магчымых дзеянняў для беларускай грамадзянскай супольнасці.
    
2. Інфармаванне грамадзянаў краіны пра перавагі еўрапейскай інтэграцыі, магчымасці супрацоўніцтва ЕС з Беларуссю.
   
   • Правядзенне агульнанацыянальнай кампаніі – што ЕС можа даць табе, тваёй сям’і, тваёй краіне, арыентаванай на розныя сацыяльныя групы,
   • Правядзенне інфармацыйных кампаній, скіраваных на развянчанне негатыўных міфаў пра ЕС,
   • Арганізацыя інфармацыйнай працы з беларусамі, якія найчасцей выяжджаюць за мяжу,
   • Прадукцыя і распаўсюд прафесійнай інфармацыі для экспертаў і адмыслоўцаў,
    
3. Правядзенне кампаніі, накіраванай на зніжэнне коштаў і спрашчнне пацэдураў атрымання  шэнгенскіх візаў
   
   • Арганізацыя агульнанацыянальнага збору подпісаў пад зваротам да ўраду Беларусі, еўрапейскіх інстытутаў і краінаў-сябраў ЕС.
   • Арганізацыя прэсавай кампаніі “Што твой урад мусіць зрабіць, каб знізіўся кошт шэнгенскіх візаў”
   • Правядзенне даследаванняў, скіраваных на развянчанне стэрэатыпаў з боку ЕС (у прыватнасці, пра магчымыя памеры міграцыі), дэмантсрацыю уплыву вольнага перасоўвання на палітычную і грамадскую свядомасць
   • Арганізацыя мерапрыемстваў, скіраваных на вырашэнне тэхнічных пытанняў, звязаных з аблягчэннем візавага рэжыму.
    
4. Наладжванне прафесійнага і экспертнага дыялогу з мэтай большага заангажавання ЕС у беларускія справы.
   
   • Стварэнне экспертных і аналітычных пляцовак для прафесійных кантактаў паміж беларускімі і еўрапейскімі экспертамі,
   • Арганізацыя аналітычнай працы, накіраванай на адаптацыю беларускага заканадаўства да еўрапейскага права,
   • Распрацоўка рэгіянальных праграмаў развіцця і інвестыцыйных праектаў для рэгіёнаў Беларусі,
   • Распрацоўка і распаўсюд альтэрнатыўных праграмаў забеспячэння энергетычнай бяспекі Беларусі,
   • Правядзенне незалежнай экспертызы, з прыцягненнем еўрапескіх экспертаў, праектаў, запланаваных беларускімі ўладамі, у прыватнасці праекту пабудовы беларускай АЭС
   • Спрыянне абмену досведам паміж беларускім дзяржаўным апаратам і еўрапейскімі структурамі, у прыватнасці ў справе рэформаў, рэструктурызацыі, сацыяльнай абароны насельніцтва
    
5. Падтрымка праеўрапейскіх ініцыятываў беларускіх грамадзянаў
   
   • Стварэнне адмысловых еўрапейскіх платформаў у рэгіёнах для развіцця грамадскага актывізму (Еўрапейскіх клубаў), навучанне узаемадзеянню з уладай, праектнаму мэнэджмэнту, фінансавым дысцыплінам і г.д.
   • Спрыянне рэгіянальным праектам, накіраваным на інтэграцыю Беларусі з Еўрасаюзам і пашырэнню прафесійных і міжасабовых кантактаў з ЕС.
   • Пашырэнне ўдзелу беларускіх НДА ў супрацоўніцтве з структурамі Еўрасаюзу.
    

Дзейнасць па-за межамі Беларусі:

1. Давядзенне меркавання беларускага грамадства да грамадзянаў ЕС, урадаў краінаў-сябраў і еўрапескіх інстытутаў.
   
   • арганізацыя (і ўдзел у) міжнародных канферэнцыяў, прысвечаных абмеркаванню “беларускага пытання”,
   • публікацыі ў еўрапейскіх СМІ пра сітуацыю ў Беларусі і прапановы па ўдасканаленні палітыкі ў дачыненні да Беларусі,
   • пераклад і публікацыя артыкулаў беларускіх аналітыкаў і грамадскіх дзеячоў у заходніх медыях,
   • ініцыяванне абмеркавання беларускіх пытанняў у межах Форуму грамадзянскай супольнасці (ФГС),
   • падрыхтоўка заяваў, зваротаў і маніторынгаў для структураў ЕС, міжнародных арганізацыяў і еўрапейскіх СМІ і НДА.
    
2. Лабіяванне рашэнняў у ЕС і міжнародных арганізацыях, якія будуць спрыяць большай адкрытасці і еўрапеізацыі Беларусі
   
   • правядзенне сустрэчаў з еўрапейскімі палітыкамі і афіцыйнымі асобамі з мэтай данясення пазіцыі грамадзянскай супольнасці Беларусі,
   • ініцыяванне абмеркаванняў важных для Беларусі пытанняў на міжнародных пляцоўках (саміты, канферэнцыі, ФГС, Еўрапарламент, ПАСЕ і інш.),
   • распаўсюд маніторынгаў і аналітычных дакумантаў,
   • арганізацыя выступаў у еўрапейскіх СМІ,
   • правядзенне ў ЕС кампаніі ў падтрымку танных віз для беларусаў.
    
3. Грамадскі кантроль і маніторынг двухбаковых беларуска-еўрапейскіх праектаў
   
   • правядзенне міжнародных экспертных круглых сталоў з мэтай аналізу праектаў, пададзеных беларускім урадам у межах Усходняга Партнёрства,
   • правядзенне грамадскіх абмеркаванняў праектаў у межах ФГС,
   • падрыхтоўка рэкамендацыяў і прапановаў па праектах для дзяржаўных органаў Беларусі і інстытутаў ЕС
    
4. Падрыхтоўка і прадстаўленне праектаў, што павінны спрыяць развіццю незалежнага грамадскага сектару ў Беларусі
   
   • падрыхтоўка праектных прапановаў для Еўрапейскай Камісіі, урадаў краінаў-сябраў ЕС, міжнародных арганізацыяў і фондаў,
   • падрыхтоўка міжнародных грамадскіх праектаў у межах ФГС,
   • праца па пашырэнні функцыяў і кампетэнцыяў ФГС
    
5. Наладжванне абмену (спецыялістамі, выкладчыкамі, студэнтамі, інфармацыяй і інш.) з краінамі ЕС
   • лабіраванне пашырэння праграм абмену, павышэння кваліфікацыі, азнаямляльных візітаў, стажыявання для студэнтаў, выкладчыкаў, бізнэсмэнаў, дэпутатаў.
   • супольныя выдавецкія праекты,
   • усталяванне і замацаванне кантактаў з еўрапейскімі універсітэтамі, даследчымі цэнтрамі, НДА, медыямі, палітыкамі і грамадскімі дзеячамі, установамі культуры,
   • правядзенне дзён беларускай культуры ў краінах ЕС.
    

Для выканання дадзенага Плану дзеянняў удзельнікі Беларускага Еўрапейскага Форуму распачынаюць Еўрапескую Ініцыятыву, адкрыую для далучэння ўсіх зацікаўленых суб’ектаў. Каардынацыя деянняў Еўрапейскай Ініцыятывы ажыццяўляецца працоўнай групай, у склад якой уваходзяць прадстаўнікі арганізацый-ініцыятараў правядзення Беларускага Еўрапескага Форуму.